蔥油落粉團會比較油,所以要再灑上粉搓

之前應承左莎莉 , 因上次害她失左手 , 因為上次太硬太脆 , 今次再做等我好好記錄過程 , 今次整得好好呀 , 有(蘇)架 , 好鬆脆好好味架!!希望莎莉可以再做一次

材料 :

1. 麵粉100g
2. 鹽半茶匙
3. 滾水50g
4. 凍水30g

蔥蒜油材料:

1. 蔥花3條
2. 油1湯匙
3. 麻油1茶匙
4. 蒜頭1粒(磨成茸)
5. 鹽少許

做法 :

1. 用細火倒入油同麻油 , 加入蔥花 , 蒜茸同鹽一齊煮香 ,(小心煮燶蒜茸) 熄火待用
2. 將麵粉同鹽過篩 ,先倒入 滾水 ,快速搞勻 , 然後慢慢分次加入凍水 ,搓成粉團 , 蓋上保鮮紙待20分鐘 , 拎出後加入蔥油搓至光滑既麵
3. 然後灑上麵粉搓至唔會成手油
4. 將麵糰分4份 ,碌薄卷成腸粉咁 , 然後再打圈好似蝸牛咁 , 再用保鮮紙蓋上待20分鐘
5. 將麵糰拎出碌成自己喜歡厚薄 , 中細火落少許油 , 煎至兩邊少少金黃色 , 加1湯匙水 , 蓋上蓋  , 煎至收水 , 再下少許油 , 煎至兩面金黃即成

夏日炎炎 , 無咩胃口食正餐 , 成日想食凍野同甜野呀 , 呢個簡單又易整 ,夏天又岩食喎 , 我同老板一路煲碟一路食 , 唔.........好味呀!!今次輪到我都有得嘆啦 

材料:

1. 鮮橙 2個
2. 綠寶橙汁 1包
3. 大菜絲 5g
4. 少量清水

做法:

1.  大菜絲剪碎 , 用清水浸軟 , 撈起瀝乾
2. 鮮橙用刀切出橙肉 , 挖淨橙殼 , 橙肉切粒
3. 大菜加入橙汁 , 慢火加熱至煮溶後 , 最好過篩一次
4. 將橙汁倒入已挖空的橙殼內 , 然後加入適量既橙肉
5. 稍凍後放入雪櫃雪至凝固 , 即成

我最討厭的電話鈴聲 , 如果我無錯既話 , 我估莎莉同我同樣討厭同一首鈴聲"吉祥三寶"既歌,係一家人唱既,爸爸仔仔同媽媽唱 , 我每次聽到都覺得好煩 , 勁討厭,仲有一首係"馬會開跑時既鈴聲"又係勁黑我憎!!

至於我最憎而家有d人 , 將鈴聲既volume加大到沙晒聲 , 明明首歌好好聽都即變得好討厭 , 另外大部份人都應該同意既就係, 係睇戲既時候 , 唔熄電話,然後仲大大聲咁同對方講 , 自己睇緊戲 , 呢d人真係無公德到暈,超級黑人憎!!

已下既好blog友 , 唔該接一接我既tag!!

Jo (你平時成日出街食飯 , 一定聽過唔少鈴聲既, 呢個tag你非接不可喇)

J師奶 (我同你咁老死 , 你無理由唔陪我玩架)

Mrs. Kwok (我都係姓郭架 , 同你老公一樣 , 咁有緣你一定要接啦)

Happy & 小J (你兩公婆咁好人 , 一定陪我玩既)

lchtmtp (岩岩同你認識 , 一齊玩下玩熟D啦大家)

每次去親食越南野 , 通常我都會叫 , 今次係屋企都可以整黎食 , 勁開心啊!!而且味道同賣相 , 老板都比好高分我tim呀 , 我覺得勁好食呀 , 仲好易整tim呀!!

調味料：

1. 魚露１茶匙   
2. 雞粉 半 茶匙        
3. 糖 半茶匙    
4. 胡椒粉 少許
5. 麻油 少許
6. 鹽 少許
7. 紹興酒 少許

8. 生粉半茶匙+水2湯匙

餡做法:

1. 油 3湯匙小半鑊   
2. 蔥三條（白色切片,綠色切蔥花）   
3. 薑數片   
4. 洋蔥細半個 (切條)     

做法：

1. 用細火煮油 , 少少滾後加入薑和洋蔥炸香 , 最後加入白色蔥 , 全部材料炸香 , 然後隔去薑蔥等材料 , 白色既留用 , 將滾油淋在蔥花上即成蔥油 

1. 如果粉皮係長方形 , 先切好正方形 , 先用保鮮紙包好
2. 餡料待涼 , 用粉皮放入餡料包成四方形狀 , 收口向底
3. 用中或細火蒸約3-4分鐘
4.  蒸好後 , post上炸香既乾蔥 , 加上蔥油 , 即成!! 食時點越式酸汁碌冧）正!!  

1. 外面食既通常係用河粉皮 , 我今次係自己整既 , 如果大家覺得煩可以係街買河粉皮代替
2. 蒸粉皮時 , 睇自己鐘意食厚薄情度而落漿

如果set lunch 食日本野 , 除左叫魚生飯 , 熟食呢個會係我至愛之一 ,等我試下自己煮先 , 老板話個汁好好味 , d料有夠豐富 , 好快咁食晒一大碗飯呀!!勁正呀!!肥死你呀肥仔

食譜由我至勁既大廚亞哥提供

材料:

1. 梅頭豬扒 2件(最好買到無骨)
2. 洋蔥 半個(切幼絲)
3. 甘荀 半條(切幼絲)
4. 金菇 半包(切一半)
5. 鮮冬菇 4隻(切片)
6. 麵粉 適量
7. 麵包糠 適量

豬扒醃料 :

1.  
   1. 生抽 1 湯匙,
   2. 酒 1 茶匙
   3. 雞粉 1 茶匙
   4. 糖 1 茶匙,
   5. 薑茸半荼匙
   6. 粟粉 1 湯匙
   7. 水 2 湯匙
   8. 油 1 湯匙
   9. 蛋白 1 隻 (蛋黃留用)

汁料材料 :

1. 清水 200ml
2. 雞粉 1茶匙
3. 日本豉油 1湯匙(如果無日本,改用生抽)
4. 味淋 3湯匙
5. 鹽 1茶匙
6. 糖 1茶匙
7. 雞蛋 2隻 (打勻)

做法 :

1. 豬扒用槌或刀背拍鬆 ,  加入醃料醃最少 1 小時 (我通常醃1晚)
2. 豬扒兩邊先拍上麵粉 , 留用既蛋黃打勻 , 將拍上麵粉既豬扒沾上蛋黃 , 最後加上 麵包糠 , 將麵包糠盡量壓實 
3. 中慢火燒熱油 , 放入豬扒炸至金黃色 , 轉大火略炸 , 拎起吸走多既餘油 , 切件待用
4. 用煎plan先煲清水+雞粉 , 滾後再加洋蔥 , 甘荀 ,  除雞蛋外所有汁料材料加入(見議試一試味 ,可自行加減) ,甘荀,洋蔥稍淋 , 隨即加入金菇 , 鮮冬菇煮略煮
5. 所有材料煮熟後 , 加入已切件豬扒 , 略煮之後 , 淋上已打勻雞蛋既一半 , 蛋汁熟後再倒入另一半 , 搖一搖煎plan , 熄火
6. 準備兩大碗白飯 , 先放豬扒 , 最後淋上適量既汁

睇下自己鐘意食多汁定少汁,唔好一次過淋晒落飯上面 , 怕太濕

又係冷盤小食時間 , 呢個我同daddy都好鐘意食 ,酸酸辣辣咁 ,岩晒今日咁鬼熱呀!!又夠爽口啵 ,呢個好易整放係雪櫃 , 口癢隨時可以食呀!!

材料：

• 溫室青瓜 1條
• 糖 1 湯匙
• 豉油 1 湯匙
• 鎮江醋 3 湯匙
• 蒜粒 2 茶匙 
• 辣椒粒 3粒
• 麻油  1荼匙

做法：

1. 青瓜洗淨切薄角/條 , 用刀略略拍一拍 
2. 將其餘材料搞勻 , 最後加入青瓜
3. 放入雪柜雪半小時，即成

1. 青瓜稍拍 ,可以容易d入味架
2. 味道可因個人喜好 , 自行加減

早幾日同老板走左去7仔桔燒賣食,好耐無食過好恨食!!跟住老板話,不如你試下整燒賣!!好啦,今日見d蝦幾靚買完後就開工喇!!之前有經驗,所以唔難包,好快手咁整好,蒸完之後即食............老板一口氣食左5粒,咁勁我都未食啵大佬......,好味喎!!正呀!!仲有無呀,收到....即係好食啦yeah

材料:

1. 燒賣皮 15張(賣唔到黃色,買左白色)
2. 蝦 20隻
3. 免冶豬肉 100g
4. 冬菇 2隻

調味料:

1. 鹽 1 茶匙
2. 糖 1 茶匙
3. 粟粉 2 茶匙
4. 雞粉 半茶匙
5. 生抽 1茶匙
6. 紹興酒 1荼匙
7. 胡椒粉 少許 
8. 麻油 1 茶匙
9. 水 少許

   做法:

   1. 冬菇浸軟切細粒
   2. 將蝦去腸洗淨瀝乾 , 用5隻剁碎後(其餘15隻留用) , 連同豬肉,冬菇及調味料搞勻 , 搞勻至起膠 , 然後放入雪櫃最少半小時
   3.  拎一張皮 , 放一隻蝦 , 加入適量豬肉 , 包好
   4. 用大火蒸8分鐘 , 即成

早排去九龍城食飯 , 行開泰國鋪事頭婆介紹左黃咖哩醬叫我買 , 話好好食 , 買左後一直未整 ,係咁落雨都唔想出街 , 今日就解決左佢先!!一路煮已經覺得好香喇 ,今次唔食飯 , 加多個薄餅點黎食,好好味呀 ,兩人好快就清左碟咯!!

材料:

1. 雞脾1隻 , 雞亦數隻
2. 薯仔1個
3. 青椒 半個
4. 大紅辣椒 1隻
5. 洋蔥半個
6. 甘荀 少許(可唔加)

醃料:

1. 魚露 1湯匙
2. 糖 1茶匙
3. 油 1茶匙
4. 生粉 1茶匙

蒜香薄餅材料:

1. 麵粉 150g
2. 鹽 少許
3. 水 75g
4. 蔥花 適量
5. 蒜頭磨成茸 1粒
6. 油 1湯匙

薄餅做法:

1. 將麵粉加鹽 , 慢慢加水 , 搓成粉團 , 然後加1湯匙油及蒜茸,蔥花 , 搓至粉團光滑
2. 粉團放置10分鐘 , 用麵棍碌成圓形

3. 中火熱油 , 將粉團兩邊煎成金黃即可

汁料材料:

1. 泰式黃咖哩醬 1湯匙
2. 棷奶 1罐(細)
3. 花奶少許
4. 水 適量

做法:

1. 雞脾切件/雞亦洗淨 , 用醃料醃15分鐘
2. 洋蔥去衣切角 , 薯仔切角 , 青/紅椒切條狀 , 洗淨
3. 先落兩湯匙油 , 用細火炒洋蔥  ,紅辣椒 ,炒一分鐘 ,再落黃咖哩醬炒多一分鐘 ,  再落雞件同炒 , 炒至雞肉表皮轉黃色 , 加入薯仔同青椒 ,略略炒一炒 , 之後加入適量既水 ,轉中火 , 水大約蓋過雞肉即可
4. 煮至薯仔夠淋身及雞件熟,之後加入椰汁, 花奶, 一滾即成, 試一試夠唔夠味,唔夠可以加少許鹽調味 ,上碟伴薄餅即成

同場加映 : (Eason On Stage 1 Blu-ray)

一路開餐 , 一路爆隻Eason , 好爽呀!!加上係 Blu-ray , 勁清呀!!你地睇下Eason個樣 , 之前無去睇現場 , 為有睇碟啦 , 但係我覺得好正囉 , 今次d歌好好聽呀 , 你地睇我兩隻三眼仔好嘆咁住坐個bean bag , 睇到勁high仲舉晒手仔 ,就知我屋企幾好氣氛 , 好似睇live咁顛晒!!

話說上次整完包包之後 , 仲有南瓜剩下 , 同樹梢一傾之後 , 原來之前佢都整過南瓜布甸 , 可惜我無焗爐 , 唔憤氣諗左一陣.........e.........唔知凍既 , 得唔得呢??無得焗 , 但可以雪呀嘛 , 結果好彩成功 ,  而且老板仲話 , 好有南瓜既香甜 , 又好滑 , 味道好好呀!!yeah..........

材料:

1. 花奶  100 g
2. 脫脂奶  100g
3. 南瓜 150g 
4. 雞蛋 2 隻
5. 魚膠粉 10 g
6. 糖 20g
7. 溫水 少許

做法:

1. 先將南瓜 , 刨皮去芯 , 然後蒸熟至軟身(8-10mins) , 壓成南瓜茸 , 待用
2. 魚膠粉用溫水搞勻，備用
3. 花奶 , 脫脂奶先加糖搞勻
4. 雞蛋發勻 , 慢慢加入奶中再搞勻
5. 將南瓜茸加入奶 , 再將魚膠水加入 , 全部材料搞勻
6. 最後倒入模內  , 雪至凝固 , 脫模即成

天氣悶悶熱熱咁 , 整個冷盤食下先 !! 做法非常簡單 , 辣辣地凍凍地咁 , 勁易入口 , 仲好好味tim!!老板又一邊打機一邊食 , 佢話勁正呀 , 唔駛食到身水身汗呀!!j師奶你至愛既牛筋啊

材料：

1. 牛筋半磅(急凍) 
2. 蔥 2 棵
3. 薑 3 片
4. 紹興酒 1湯匙

調味料： (調味料份量隨個人喜好調味)

1. 蒜頭 2粒切細
2. 辣椒仔 2粒切細
3. 生抽 1-2 湯匙
4. 食用水 3湯匙
5. 辣豆瓣醬 1 湯匙
6. 辣椒油 1 湯匙 (我鐘意食辣)
7. 鎮江醋 1茶匙
8. 雞粉 1/2 茶匙
9. 麻油 適量

作法：

1. 滾水 , 放薑蔥 , 紹興酒及牛筋煮滾後 , 轉慢火炆約 1.5 小時或至淋 , 撈起沖冷水至涼透 (拎起薑蔥)
2. 調味料搞勻 , 加入牛筋片拌勻 , 放入雪柜雪過夜即成

呢個唔算好難整 , 蒸完之後已經有一陣陣既南瓜香味.....食落仲好香南瓜好甜呀 , 同雞肉好夾呀,好好味呀!!老板話d colour好靚呀!!今次個包包發得好軟熟呀 .....yeah!!

材料 :

1. 雞扒 1件(切細粒/幼條)
2. 南瓜 350g

雞扒醃料 :

1. 雞粉 1荼匙
2. 鹽少許
3. 糖半茶匙
4. 紹興酒 1荼匙
5. 蛋白1隻
6. 生粉半茶匙
7. 油 1荼匙
8. 水 1湯匙

包包材料:

1. 麵粉 200g
2. 生粉 40g
3. 泡打粉 5g
4. 乾依士 4g
5. 砂糖 24g
6. 鹽 2g
7. 油二湯匙
8. 清水 90ml
9. 南瓜茸 300g  (剩餘50g)  

做法 :

1. 先將南瓜 , 刨皮去芯 , 然後蒸熟至軟身(8-10mins) , 先留用1件(大概50g)切成小粒 , 其他壓成茸 , 待用
2. 雞扒先醃最少1小時
3. 包皮發酵製法:先將水+鹽+乾依士搞勻等15分鐘後留用
4. 麵粉, 生粉,泡打粉篩過後糖+油+ 乾依士水全部用手搓勻,隨即加入南瓜茸同搓 , 搓5-8分鐘至滑身既粉團
5. 將粉團放係碗到等發酵40-50分鐘,用濕布蓋係面

6. 發酵完之後,拎出灑上麵粉再搓至唔痴手 , 之後再分10-12份壓平,包入雞肉在放1小件南瓜 , 將麵團收口 , 加一張焗爐紙係底 , 再放15分鐘可以令飽鬆弛d,最後大火蒸8-10分鐘即成 !!

1. 南瓜蒸熟後會有水份 , 所以我今次減了水既份量 , 落南瓜搓皮既時候 , 如果覺得好濕同好痴手 , 就應該加麵粉搓加至完全唔痴為止

初初以為好難整,但原來一d都唔難整,而且送飯或者送湯麵,仲勁正tim啵,老板都食唔停口啊,今次我用既係牛腩碎,價錢平d,但效果幾好!!

材料 :

1. 牛腩碎 600g
2. 蘿 蔔 1 個
3. 紅蔥頭 3粒
4. 蒜頭 3粒
5. 薑 4片
6. 南乳 半磚
7. 柱侯醬 3湯匙
8. 老 抽 1 湯匙
9. 紹興酒 1湯匙
10. 冰 糖 適量
11. 水 1000ml

蘿蔔做法 :

1. 蘿蔔洗淨 , 去皮切件 , 火滾落蘿蔔 , 放入一粒如手指公大既冰糖 , 煮至大概7成淋 , 拎起隔水即成(落冰糖係車仔麵既做法 , 苦既蘿蔔都會甜,真架)

做法 :

1.  牛 腩洗淨 , 出水 , 如牛腩碎大件 , 可以出完水後 , 切件備用
2. 中火先爆香 , 紅蔥頭 , 蒜頭頭 , 薑 ,隨即加入南乳 , 及柱侯醬 , 紹興酒然後加入牛腩略炒 ,加入水煮滾 , 再放1少粒冰糖 , 然後加生抽及老抽 (先試試味 , 唔夠隨個人喜好再加 )
3. 牛腩煮30分鐘後 , 跟熄火焗15分鐘
4. 再煮30分鐘後 ,  熄火焗15分鐘
5. 牛腩有8成淋時 , 再加入蘿蔔等蘿蔔煮至入味 , 即成

煮牛腩法是跟亞so既煮法黎炆,我覺得幾好,好易淋

心癢癢又想整d小點心食下,順便練習多d搓皮同咪包野!!好想食小籠包呀,又有得包又有得食!!準備好了,快d包下先,對我黎講都仲係有少少難包(可能我太蠢喇),快d蒸黎試下先.....結果個頂位(收口位)都仲係有少少厚,但個底又唔厚喎,要再練多d呀,但係個味道呢......哈哈!!老板話無得頂呀,一咬落去有juice流出黎架,同咪個味真係好好食啵,下次再努力包好d先!!

餡料 :

1. 免冶豬肉 280g
2. 薑 6片(拍鬆)
3. 蔥 2-3條
4. 水 20g
5. 紹菜 2片(只要白色部份,綠色留待蒸時放碟底)

調味料 :

1. 鹽 1茶匙
2. 糖 2茶匙
3. 生抽 1湯匙
4. 紹興酒 2茶匙
5. 麻油 1茶匙
6. 生粉 2茶匙
7. 油 1湯匙
8. 白胡椒粉 少許

天氣熱熱地 , 等我整d有易整 , 又唔會食到身水身汗 , 既野比老板食先 , 好快手就完成左喇,快d試食......唔.......老板點住頭話幾好幾好,清爽得黎口咁又好豐富呀 , 老板一路打機一路食 ,我同老板講你真識食.............你真識食好似廣告咁!!

材料 :

大蝦 6 隻 豬頸肉 1件 (唔駛太大件)  越南檬粉 適量(可用米粉代替) 唐生菜 2-3片  甘荀 少許 (1條用唔晒架) 炸花生 少許  越南超薄米紙

越式汁料(碌冧)：

1. 魚露 1 湯匙
2. 青檸汁 1 湯匙
3. 糖 1 湯匙
4. 白醋 2 湯匙
5. 蒜頭 2粒切細 
6. 辣椒仔 2 隻 切細粒

汁料做法:

將醋與糖搞勻至糖溶晒，然後加入青檸汁、辣椒粒、魚露，再放入蒜頭搞勻

做法 :

1. 水滾後 ，放入大蝦燙熟，撈出放涼，剝殼去除腸之後，用刀切一半，備用
2. 檬粉略煮撈起過冷河,待用
3. 豬頸肉用1 湯魚露匙+半荼昆糖醃一醃,最少15分鐘 , 然後煎熟切薄片 , 侍用 
4. 炸花生放入袋 , 然後拍碎 , 待用
5. 甘荀, 唐生菜洗淨 ,甘荀切薄片切絲 , 待用
6. 用水 , 拎一張米紙浸在水裡約 30 秒 , 變軟之後取出 , 用布索水多餘水份 
7. 攤平米紙 , 先放生菜 , 檬粉 , 豬頸用 , 甘荀, 花生碎先卷一下 , 然後再放上大蝦 , 卷好 ,即成
8. 食果時點碌冧食

有日老板話想食芝麻糕 , 咁咪買齊野整過佢食啦 , 初時只係想整千層芝麻糕,但諗諗下都係要用咁多時間蒸,搞下新意思,用咪椰汁試下整唔整到啦, 測試結果係成功做到既,而且味道椰汁同芝麻都好夾,又香又軟熟.好好食,雪凍夏天食一流啊!!

不過一層一層咁蒸都幾花時間架 , 但蒸好左之後又好有滿足咁好靚呀 , 今次好叻呀整左9層呀,老板都讚我啊 因為芝麻汁有多所以,即時整多兩條芝麻卷出黎玩下!!

材料:(黑芝麻)                                                                                

1. 黑芝麻粉 40g
2. 砂糖 120g
3. 熱水 150g
4. 清水 150g
5. 馬蹄粉 40g 

(椰汁)

1. 椰汁 150g
2. 砂糖 100g
3. 清水 150g
4. 馬蹄粉 40g

   做法:

   1. 黑芝麻粉用熱水先開,
   2. 馬蹄粉+砂糖+清水搞勻至無粒 , 然後將黑芝麻水渾入 ,搞勻待用
   3. 馬蹄粉+砂糖+清水搞勻至無粒 ,最後加入椰汁搞勻 , 待用
   4. 準備蒸盤 , 掃少少油係蒸盤上 , 倒入適量芝麻水 , 大火蒸3分鐘至凝固
   5. 打開鑊蓋, 再倒入第2層椰汁水, 再蒸3分鐘, 重複至兩者既漿用完為止, 直到最後一層芝麻水加完後 , 蒸20分鐘
   6. 蒸好後脫模 , 稍涼即可切件

   芝麻卷做法 : ( 因為我芝麻水有剩餘 , 所以加送兩卷菲林 )

   1. 準備蒸盤 , 倒入適量芝麻水(唔好太厚), 大火蒸3分鐘
   2. 蒸好後待涼 , 即可卷起切件即成